BlurryClear #4

It’s Complicated .. !

Yeh toh hum bohot baar sunte hai – It’s Complicated.
Par kya sach mein itna hai ki,
Sulajhi naa paaye?
Ya fir yeh toh bass apne aap ko tasalli dene ki ek koshish hai,
Ek aisi koshish jo bohoton ko bhatkaati hai,
Toh kaiiyon ko sehraati hai..
Jab lagne lage ki abb sab theek hai,toh fir kahi chull machti hai,
Kuch naya karne ki, jo wapas usi Complicated gali le jaati hai..

Sahi kehte hai boss, yeh duniya gol hai —
Jo jata hai, kabhi na kabhi wapas wahi laut aata hai.
Hum kai baar sochte hai ki abb yeh kissa khatam,
Dobara toh mudke nai dekhenge,
Par yeh jaruri toh nahi ki woh kissa bhi tumhe chodna chahe!
Koi na koi kadi wapis judd hi jaati hai, joh tumhe unn bichade galiyon se
mila hi deti hai…

Toh aise fir kahoge it’s complicated!

Iss baat pe jara gaur kijiye —
Aasan cheeze bhi Complicated ho sakti hai,
Aur wahi Complicated cheeze bhi sabse aasan !

Yeh toh apne apne nazariye ki baat hai.
Aksar jiska jawaab naa mile ,
Usko hum complicated ghoshit krte hai ..
Par kya socha hai, jiska jawaab mila,
Woh kya sachme itna aasan tha?
Ya fir bass dhundne mein koi khass mehenat ki,
jo ek ka jawaab mila toh dusre ka nahi ..
Aise sach aur jhoot mein utna hi farak hai – Jitna aasan aur Complicated mein !

Socho kaise — ?
Maanlo ek cheeze aapko sach lage kyoki Aap maante hai woh sach hai
Par yeh bhi toh ho sakta hai, jhoot ko parkhe toh woh bhi sach bann jaye.
Isi ko kehte hai apne mann ka bhul bhulaiyya – jo ghum ghumakar square one hi le aaye.

Toh kya yeh padhar bhi kahoge – It’s Complicated—?
Yaa aasani se usko apnakar,
Dhundoge koi aur nazariya?