Ek Pagal Ladki Hai Woh . . . .

Kahase shuru karu yeh kahani 
Saare kisse hai aj batani 
Ankhen jaisi khuli kitaab 
Man uska komal gulaab 

Nakhre toh jaise koi shehzaadi ho
Uske pyaar mein tum nahi pado 
Har pal apne dhun mein rahe 
Kaid karna chahe woh har lamhe

Shikaayat hai usko leke apni kamar 
Intezaar kare woh apne janamdin ka har sitambar 
Naachne mein woh karti  kamaal 
Mann mein uske rehte kayi sawaal

Pasand hai use kitaabein padhna 
Ata hai use bhi khub akadna 
Pakaana nahi aata use khana 
Khub bhara hai usme bachpana

Baatein karna hai uski aadat
Apne maata pita ki karti woh ibadat 
Sabki karti hai woh ijjat 
Hamesha ho jati usse koi pagal harkat

Ziddi hai woh apne har baat ko le kar 
Bhul jaati hai woh kuch keh kar 
Puri duniya ghumni hai jise 
Batane ko iske toh Bhot hai kisse 

Aacha lagta hai use apni behen ko pareshan karna 
Showk hai uska ghanton baithke aayane ke saamne savarna 
Kisi ke raah mein na woh aaye
Apno ko khush woh kar jaaye 

Bohot priya hai use apni imaandaari 
Bacha hai uska pehchaan na duniyadaari 
Aata hai isko lafzon ke saath khelna
Kabi kabi mumkin nahi isko jhelna 

Aalochanaatmak nahi hai woh kisi ke saath 
Din bana deti hai bas uski ek mulaaqaat 
Maasoomiyat jisse hai jhalke 
Iske thoomke nahi hai halke 

Apne doston se karwaati hai woh intezaar 
Na jane kyu phir bhi woh karte hai isse pyaar
Jab dekho tab khaye yeh mithaayi 
Uske unkahe shabdon mein basti hai gehraayi 

Filmy baatein hai yeh karti
Khwaabon ki duniya mein yeh jeeti 

Khatam hote hote  bhi na khatam ho jiski kahaani 

Yeh ladki toh hai badi pagli deewani