Muskuraahat ki Talaash !

Raat ke andhere mein chamakte hue taaron ko dekh aajaaye
Hawa ke jhooke se udte hue baal uski wajah ban jaaye
Jo gubbaron ko aasmaan mein udta hua dekh dikh jaaye
Uss muskuraahat ki talaash hai mujhe ||

Yaadon ke pitaare khulte hi jo behte hue aasuoon ka saath de
Koyal ki madhur aawaaz jise sukoon de
Jo kisika din accha bana de
Uss muskuraahat ki talaash hai mujhe ||

Baarish ki boondon se jo chehek uthe
Ek chotisi kali ko khilta dekh jo khil uthe
Geeli mitti ki khushboo ko soongke jo chamak uthe
Uss muskuraahat ki talaash hai mujhe ||

Jugnuoon ki roshni se uska badhna
India ke vishwa cup jeetne ka gaurav usme hona
Chotisi bachhi ka kilkaar sun uska aajaana
Uss muskuraahat ki talaash hai mujhe ||

Mithaai ki mithaas se bhi meethi ho
Jo zindagi ke har ek utaar chadaav mein mere saath mustaqil ho
Gaane ke har dhun pe jhoom uthne ki khushi jisme ho
Uss muskuraahat ki talaash hai mujhe ||